5.13 De Predestinatione (Tosti ed., pp.309-10)
De Predestinatione 1
Predestinatio, secundum beatum Augustinum, est gratie preparatio, que sine prescientia esse non potest.
FONSDe Predestinatione 2
Augustinus: Predestinatio est gratuite donationis preparatio, vel propositum miserendi.
FONTESDe Predestinatione 3
Magister sententiarum: Predestinatio est preparatio gratie in presenti et glorie in futuro.
FONSDe Predestinatione 4
Magister sententiarum: Obstinatio est cordis induratio.
FONSDe Predestinatione 5
Augustinus in libro de corpore et anima ait: Gratia non secundum hominum merita datur. Alioquin gratia iam non esset gratia, que ideo gratia vocatur, quia gratis datur.
FONSDe Predestinatione 6
Bernardus: Unde enim cordis duritia, inde animi obstinatio, quia meditatur non legem sed propriam voluntatem. Inde tam mordax et amarus sermo reperitur in ore hominis obstinati, ut nulla ad eum queat mediatoris benevolentia penetrare.
FONTESDe Predestinatione 7
Bernardus: Perseverare in malo diabolicum est et digni sunt perire quicumque in similitudinem dyaboli permanent in peccato. An vero gravior ulla frenesis iudicatur quam impenitentia cordis et peccandi obstinata voluntas?
FONTESDe Predestinatione 8
Augustinus: Quidquid predestinati faciunt, perire nequeunt, quia omnia cooperantur eis in bonum, et ipsa peccata. Nam post gravia facinora humiliores erunt, et de sua salvatione huberiores deo laudes referunt.
FONSDe Predestinatione 9
Gregorius: Reprobi propter electos sunt creati, ut per eos in virtutibus exerceantur et a vitiis corrigantur, et eorum collatione gloriosiores appareant et, cum eos in tormentis viderint, de sua evasione amplius gaudeant.
FONSDe Predestinatione 10
Gregorius: Nullus tamen plus laborare poterit, quam eum divina gratia iuverit, nec aliam mansionem quis habiturus erit, quam eam ad quam ante mundi exordium preordinatus fuit. Et ideo legitur: Iacob dilexi, Esau odio habui. Tales predestinando preparavit ut regno digni essent.
FONTESDe Predestinatione 11
Gregorius: Nullus reproborum plus facere poterit, quam ei divina censura, id est iudicium dei, permittet, nec aliam penam habebit, quam eum divinum iudicium ante mundi constitutionem secundum suum meritum habiturum prescivit.
FONSDe Predestinatione 12
Gregorius: Obtineri nequaquam possunt que predestinata non fuerunt, sed ea que sancti viri orando efficiunt, ita predestinata sunt, ut precibus optineantur. Nam ipsa quoque perennis regni predestinatio ita est ab omnipotente deo disposita, ut ad hanc electi ex labore perveniant, quatenus postulando mereantur excipere, quod eis omnipotens deus ante secula disposuit donare.
FONTES
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
