4.21 De Paupertate (Tosti ed., pp.289)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17
De Paupertate 1
Paupertas est res altissima, que beata ore domini nominatur, et ei non tantum regnum celorum promittitur sed datur, ac nichil habens facit omnia possidere.
FONSDe Paupertate 2
Unde Augustinus in persona domini: Venale habeo. Quid, domine? Regnum celorum. Quo emitur? Paupertate regnum, dolore gaudium, labore requies, vilitate gloria, morte vita.
FONTESDe Paupertate 3
Augustinus: Regnum celorum pauperum est, quia pauperes nichil habent in terra, divites e contrario nichil habent in celo.
FONSDe Paupertate 4
Bernardus: Felix paupertas, cui non tantum promittitur sed datur.
FONSDe Paupertate 5
Bernardus: Multi pauperes esse volunt, ita tamen quod nil eis desit, et sic diligunt paupertatem, ut nullam patiantur egestatem.
FONSDe Paupertate 6
Bernardus: O beata paupertas, eterna hereditas! o beata possessio, que sola sanctorum et fidelium dei es nichil habentium in terra, que non solum ad omnem sufficientiam habundas, sed etiam ad divitias perducis eternas!
FONSDe Paupertate 7
Bernardus: Ob hoc maxime diligenda est paupertas, quia illa te scire facit, si quis perfecte te diligit. Illa est virtutum nutrix, custos humilitatis, quies mentis, patiens in adversis, modesta in prosperis, in bonis spiritualibus, dives et eterne felicitatis heres. Hec enim animas peccatorum a laqueis cupiditatis liberat virtutibusque ditat.
FONSDe Paupertate 8
Bernardus: Ob hoc maxime diligenda est paupertas, quia illa te scire facit, si quis perfecte te diligit. Illa est virtutum nutrix, custos humilitatis, quies mentis, patiens in adversis, modesta in prosperis, in bonis spiritualibus, dives et eterne felicitatis heres. Hec enim animas peccatorum a laqueis cupiditatis liberat virtutibusque ditat.
FONSDe Paupertate 9
Seneca: Non enim qui parum habet, sed qui plus non cupit, pauper est. Non puto pauperem esse cui quantumcumque superest satis est. Primus modus divitiarum est habere quod necesse est.
FONSDe Paupertate 10
Seneca: Non est in rebus vitium, sed in animo. Ipso animo imperandum est, ut a voluptatibus abstineat.
FONSDe Paupertate 11
Augustinus: Revolve omnem vitam salvatoris, a partu virginis usque ad patibulum crucis, et non invenies nisi stigmata paupertatis.
FONSDe Paupertate 12
Augustinus: Si Christus propter te de celesti sede descendit, ergo tu pro eo terrena fuge, appete celestia. Si mundus dulcis est, dulcior est Christus.
FONSDe Paupertate 13
Bernardus: Ut te mente paupertati per omnia confirmares, quasi unus in turba pauperum stipendia hostiatim mendicabas, quis dabit michi, domine, illarum buccellarum tuarum mendicatarum participem fieri, et illius divini edulii reliquiis saginari.
FONSDe Paupertate 14
Hugo: Pauperes vero vocari possunt, qui per alienas domos discurrentes hostiatim victui necessaria querunt.
FONSDe Paupertate 15
Seneca: Neque paupertas tibi immunda sit, neque parsimonia sordida, neque simplicitas neglecta, nec lenitas languida.
FONSDe Paupertate 16
Ambrosius: Qui vult deum possidere, renunctiet mundo, ut sit illi deus beata possessio.
FONSDe Paupertate 17
Ieronimus: De magno est honere liberatus, qui nichil possidet, nec quidquam habet. Et satis deo donat, qui ei dat animam suam.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
