2.14 De Multiloquio (Tosti ed., pp.277)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18
De Multiloquio 1
In multiloquio peccatum non deerit, sicut dicit scriptura (Prov. 10:19).
De Multiloquio 2
Unde Seneca: Tene semper vocis et silentii temperamentum, tamen in hoc incumbe, ut semper libentius audias quam loquaris et cetera.
FONSDe Multiloquio 3
Plinius: Nichil unquam ex ore tuo, quod inpedire possit, prodeat.
FONSDe Multiloquio 4
Augustinus: Tacendo bonum, loquendo malum lingua peccat.
FONTESDe Multiloquio 5
Gregorius: Sermo ille penalis est, qui a bono utilitatis vacat.
FONTESDe Multiloquio 6
Gregorius: Verbum ociosum est quod caret pondere iustitie, necessitatis, aut ratione pie utilitatis.
FONSDe Multiloquio 7
Gregorius: Si quis spiritu illius plenus esset qui dicit, de omni verbo ocioso reddituri sunt homines rationem, tam verba otiosa, quam pernitiosa penitus vitarent.
FONSDe Multiloquio 8
Gregorius: Qualis sermo ostenditur talis animus conprobatur.
FONSDe Multiloquio 9
Gregorius: Mens absque muro silentii undique patet iaculis inimici.
FONTESDe Multiloquio 10
Ieronimus: Vanus sermo, vane conscientie est inditium.
FONSDe Multiloquio 11
Ambrosius: Quamplures vidi peccare loquendo, paucos tacendo.
FONSDe Multiloquio 12
Ambrosius: Multo melius est vera loqui rustice, quam disserte falsa proferre.
FONSDe Multiloquio 13
Gregorius: Redire cognitionem suam mens interius non valet que per multiloquium sparsa a secreto intime considerationis se excludit.
FONSDe Multiloquio 14
Seneca: Sermonem quem dicturus es, in mente depingas, et ante limam sentiat, quam ad linguam perveniat.
FONSDe Multiloquio 15
Ieronimus: Multa bona opera pereunt propter lingue vitium.
FONSDe Multiloquio 16
Gregorius: A verbis otiosis ad contumeliosa exarsit, qui ab otiosis se non repressit.
FONSDe Multiloquio 17
Ieronimus: Omne quod non edificat aures audientium, in periculum vertitur loquentis.
FONSDe Multiloquio 18
Augustinus: Perfectis viris non convenit mentiri, nec pro temporali vita alicuius nec pro corpore alterius ut animas suas occidant. Licet tamen eis, verum tacere sed non falsum dicere.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
