1.8 De Luxuria (Tosti ed., pp.271-2)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22
De Luxuria 1
Luxuria appetit explere voluptatem libidinosam. Ex ea enim nascitur inconsideratio, inconstantia, cecitas mentis, precipitatio amor sui, odium Dei, affectus presentis seculi, horror autem et desperatio seculi futuri.
FONSDe Luxuria 2
Unde sic diffinitur ab Hugone: Luxuria est libidinose voluptatis appetitus.
FONSDe Luxuria 3
Hugo: Luxuria est concupiscentia explende libidinis.
FONSDe Luxuria 4
Bernardus: Luxuria est ablatio pecunie, diminutio carnis, infectio anime, fetor infamie, offensio Dei, et ablatio regni celestis.
FONSDe Luxuria 5
Bernardus: Luxuria animam commaculat, corpus enervat, bursam evacuat, Deum tollit, proximum offendit, animam ad gehennam trahit.
FONSDe Luxuria 6
Aristoteles in libro de regimine dominorum ad Alexandrum: Noli tua desideria inclinare ad coitum mulierum, quia coitus est quedam proprietas porcorum. Que igitur gloria erit tibi, si exerces vitium irrationabilium bestiarum et actus brutorum? Crede igitur indubitanter quod coitus est destructio corporis, abbreviatio vite, corruptio virtutum, legis trangressio, femineos generat mores, et ultimo illud malum inducit quod predixi.
FONSDe Luxuria 7
Iohannes os auri: Peccatum luxurie cum vos temptat, mittite illud contra ignem inferni, hec est valde bona medicina.
FONSDe Luxuria 8
Seneca: Libidinum vitia continebis, si exitum cogitaveris.
FONSDe Luxuria 9
Bernardus: Ardor libidinis pro aliqua modica occasione excitatur, et nisi ilico respuatur, et expellatur totum corpus occupat, et estuat, urit et incendit, deinde delectatione turpi mentem maculat, et ad extremum per consensum pravitatis sibi mentem subiugat.
FONSDe Luxuria 10
Gregorius: In voluptate carnis cito preterit quod delectat, manet autem quod in eternum cruciat.
FONSDe Luxuria 11
Gregorius: Non sit tibi turpe fugere, si vis palmam castitatis habere cum aliter non possis de luxuria triumphare.
FONSDe Luxuria 12
Isidorus: Luxuria tunc magis queritur, dum videtur. Nam quidam sapiens ait: Prima fornicatio est tela oculorum secunda verborum. Sed qui non capitur oculis, potest resistere verbis. Nam ubi affectus liber est, qui delectationem refrenat libidinose suggestionis, non transit ad consensum libidinis. Cito enim resistit operi, qui consensum non accomodat titillanti delectationi. Durius impugnatur qui usque ad consensionem, et si non usque ad perpetrationem temptatur, quam qui sola suggestione, pro conditione carnis temptamentis solicitatur.
FONSDe Luxuria 13
Isidorus: Fornicatio carnis adulterium est; fornicatio animi servitus idolorum est. Est autem et spiritualis fornicatio secundum quod dominus ait: Qui viderit mulierem ad concupiscendam eam, iam mechatus est in corde suo. Omnis immunda pollutio fornicatio dicitur.
FONSDe Luxuria 14
Isidorus: Ex delectatione enim fornicandi varia gignuntur flagitia, quibus regnum Dei clauditur, et homo a Deo separatur.
FONSDe Luxuria 15
Isidorus: Libidinis immoderate licentia nescit habere modum. Nam dum se vitiosus animus in explenda fornicatione carne luxuriante laxat, mox ad alia nefanda suadentibus demonibus transit, dumque immoderate metas pudoris excesserit, crimen criminibus addit, paulatimque ad deteriora procedit.
FONSDe Luxuria 16
Augustinus: Qui concupiscentie nequiter serviunt, tantam in eis vim accipit, ut plerumque etate iam deficientibus membris turpius et procacius insanire non desinant.
FONSDe Luxuria 17
Augustinus: Inter cetera septem vitia fornicatio est maximi sceleris quia per carnis immunditiam templum Dei violatur, et tollens membra Christi, facit membra mulieris.
FONSDe Luxuria 18
Augustinus: Demones, scientes pulcritudinem esse anime castitatem, et per hanc homines angelicis meritis quibus illi lapsi fuerant coequari, livore percussi invidie miscent per sensus corporis opus desideriumque libidinis quatenus a celestibus deorsum deiectam animam pertrahant, secum quo merent, et gloriantes ad tartara trahunt.
FONSDe Luxuria 19
Bernardus: Quid dicendum est de luxuria, nisi quod in momento ignis de igne urit, sed effectus ustionis diu durat, sicut luxuria ad momentum delectat, sic coinquinatio diu perseverat.
FONSDe Luxuria 20
Bernardus: Frequens feminarum usus mentem mollificat, sensum ebetat, et sapientem esse non patitur.
FONSDe Luxuria 21
Gregorius: Iuvenis qui fornicatur, peccat; senex autem peccat et insanit.
FONSDe Luxuria 22
Ieronimus de luxuria in virgine: Luxuria ferreas mentes domat, sed in virgine maiorem patitur famem, dum dulcius putant, quod nesciunt.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
