5.5 De Liberalite (Tosti ed., pp.303-4)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17
De Liberalite 1
Liberalitas est, ut dicit philosophus, virtus animi, beneficiorum erogatrix, quam eandem pro affectu benignitatis, et pro affectu beneficientie dicimus. Hec virtus in tribuendo tota consistit.
FONSDe Liberalite 2
Seneca: In tribuendo cave ne sis durus. Eodem animo beneficium debetur quo accipitur, et ideo negligenter donum fieri non debet, immo cum diligentia. Sibi enim quisque debet, quod a voluntate accipit.
FONSDe Liberalite 3
Seneca: Cave dilationem. Quia plus facit ingratum morari, quam gratum dare.
FONSDe Liberalite 4
Ovidius: Crede mihi, res est ingeniosa dare.
FONSDe Liberalite 5
Tulius: Ea igitur utamur libertate, que prosit amicis, obsit nemini.
FONSDe Liberalite 6
Seneca: Cave ne beneficium maius sit facultate tua. Inest in tali liberalitate rapiendi cupiditas, ut ad largiendum suppetant copie. Cave exprobrationem. Lex enim beneficii est hec inter duos, quod alter debet statim oblivisci dati, alter memor esse accepti.
FONSDe Liberalite 7
Aristotiles in libro de regimine dominorum, scribens Alexandro ait: Si vis ergo virtutem acquirere largitatis, considera posse tuum, tempora necessitatis et merita hominum. Debes ergo largiri dona iuxta posse, cum mensura hominibus indigentibus atque dignis. Qui ergo dat aliter, peccat et regulam transgreditur largitatis, quia qui largitur dona sua non indigentibus, nullam acquirit laudem, et quidquid datur indignis, perditur. Et qui effundit ultra modum suas divitias, veniet cito ad amara littora paupertatis et assimilatur illi, qui super se dat victoriam suis inimicis. Nil honestius magnificentiusque quam pecuniam contempnere, si non habes, si habes, ad liberalitatem vel ad ubertatem conferre.
FONTESDe Liberalite 8
Seneca: Accepti semper sis memor, dati numquam.
FONSDe Liberalite 9
Seneca: Errat si quis beneficium libentius accipiat, quam reddat.
FONSDe Liberalite 10
Seneca: Nullum beneficium est magis necessarium referenda gratia. Nam et Isidorus iubet reddere maiori mensura ea que acceperis mutuo. Quid ergo debemus facere provocati beneficio? Imitari debemus agros fertiles, qui multo plus afferunt quam acceperint, quia si non dubitamus beneficia conferre hiis quos speramus nobis profuturos. Quid ergo debemus esse hiis qui nobis iam profuerunt? Non dare vel dare, aut demus vel non demus, in nostra potestate est, non reddere, non bono viro licet.
FONTESDe Liberalite 11
Seneca: Cum consideratione promitte, plenius quam promiseris presta.
FONSDe Liberalite 12
Seneca: Priusquam promiseris deliberes, et cum promiseris facias.
FONSDe Liberalite 13
Tulius: Si promiseris indigno, da non tamquam munus, sed dictum tuum redime.
FONSDe Liberalite 14
Tulius: Officium liberalitatis est omni petenti dare.
FONSDe Liberalite 15
Seneca: Si deum imitari vis, da etiam ingratis. Nam et sceleratis sol oritur, et pirratis patent maria.
FONSDe Liberalite 16
Seneca: Ingratus non michi fecit iniuriam sed sibi.
FONSDe Liberalite 17
Seneca: Magnum in eo vitium est qui non melioribus sed pluribus vult placere, et cetera require supra.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
