De Iuditio Temerario 1

Temerarium iuditium, lumen proprie conscientie cecat, quia dum aliena diiu licat, proprii iuditii lumine privatur, ut eo durius contra aliena superbiat, quo sua negligentius ignorat, ut ait Gregorius in moralibus.

De Iuditio Temerario 2

Gregorius: Stulti tanto intentius de alienis iudicant, quanto sua profundius ignorant.

De Iuditio Temerario 3

Gregorius: Recte aliena merita iudicare non valet, cui conscientia ignorantie nullius iuditii regulam prebet.

De Iuditio Temerario 4

Ieronimus: Prima virtus monachi est contempnere hominum iuditia.

De Iuditio Temerario 5

Gregorius: Qui alieno iuditio regimini subiacent, non facile iudicare audeant facta rectorum, hac per hec de hiis qui sibi prelati sunt qui murmurant, non hos contempnunt, sed ei qui cuncta disponit, divino ordini contradicunt.