2.8 De Inani Gloria (Tosti ed., pp.275)
______________________________
0 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18
De Inani Gloria 0
Isidorus, require supra
De Inani Gloria 1
Inanis gloria, ut dicit Augustinus, est amor proprie excellentie. Ab ea enim nascitur elatio, superbia, arrogantia, insolentia, insolertia, contentio, contumelia, contemptus, presumptio, inobedientia, irreverentia.
FONTESDe Inani Gloria 2
Bernardus: De verbis glorie noli me tangere, illi sit gloria cui dicitur gloria patri et filio et spiritui sancto.
FONSDe Inani Gloria 3
Bernardus: O stulti filii hominum et Adam contempnentes pacem, appetentes gloriam et pacem perdunt et gloriam!
FONSDe Inani Gloria 4
Gregorius: Sperne cum laudaris, ipse in te laudetur, qui in te operatur.
FONTESDe Inani Gloria 5
Augustinus: Qui de bono opere gloriatur, de virtute facit vitium.
FONTESDe Inani Gloria 6
Gregorius: Cum pro bono opere laus transitoria queritur, res eterna retributione digna pro vili pretio venditur.
FONSDe Inani Gloria 7
Gregorius: Vitandum est ne vane glorie ardore, satis religiosus plus humilis, quam necesse est velit apparere vel videri, ne vanam gloriam fugiendo querat.
FONSDe Inani Gloria 8
Gregorius: Inter verba laudantium sive vituperantium ad mentem semper recurrendum est, et si in ea non est nec invenitur bonum. Vnde laudatur, flendum est et si invenitur timendum est, et si in ea non invenitur malum quod dicitur, in domino gaudendum est, et si invenitur corrigendum est.
FONSDe Inani Gloria 9
Iohannes Crisostomus: Aliquantulum difficile est humanam laudem non appetere, difficilimum autem est oblatam respuere.
FONTESDe Inani Gloria 10
Ieronimus: Si vere laudabilis esse cupis, laudem hominum non requiras. Illi prepara conscientiam tuam, qui illuminabit abscondita tenebrarum, et manifestabit consilia cordium.
FONSDe Inani Gloria 11
Gregorius: Qui de virtutibus extollitur, non gladio sed medicamento vulneratur.
FONSDe Inani Gloria 12
Ieronimus: Non queras gloriam, et non dolebis cum ingloriosus fueris. Qui laudem non appetit, nec contumeliam sentit.
FONTESDe Inani Gloria 13
Gregorius: Nemo vult ibi gloriosis vestibus indui, ubi ab aliis videri non possit. Pro sola inani gloria vestimentum gloriosius aut pretiosius queritur.
FONSDe Inani Gloria 14
Ambrosius: Sunt enim multi qui putant, quod in appetitu pretiosarum vestium non sit peccatum, quod si peccatum non fuisset, nequaquam dominus Iohannem de asperitate vestium aut vestimentorum suorum laudasset, dicens: Quid existis in desertum videre? etc.
FONSDe Inani Gloria 15
Bernardus: Proprie glorie cupidi nequaquam quiescere possunt, cum in se nichil invenire possunt, unde possint aliquatenus laudari aut gloriari.
FONSDe Inani Gloria 16
Bernardus in Canticis canticorum: Fratres, nemo vestrum velit laudari in vita ista, quia quidquid favoris captas, quod ad deum non retuleris, ipsi furaris. O putride pulvis, quid nequius servo usurpanti sibi gloriam dei sui?
FONSDe Inani Gloria 17
Bernardus: Gloriam quam ab invicem accipiunt, qui gloriam a solo deo non requirunt, vana est, quoniam vani sunt filii hominis in statera etc.
FONSDe Inani Gloria 18
Seneca: Virtutis enim fructum sapiens in conscientia ponit, stultus in gloria hominum.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
