De Humilitate 1

Humilitas, ut dicit Tulius, est qua homo verissima cognitione sui vilescit sibi ipsi.

FONS

De Humilitate 2

Humilitas, ut dicit Tulius, est qua homo verissima cognitione sui vilescit sibi ipsi.

FONS

De Humilitate 3

Bernardus: Volumus esse humiles sed sine despectu, pauperes sine defectu, obedientes sed sine contumeliis, casti sed sine maceratione carnis.

FONS

De Humilitate 4

Augustinus: Veri iusti si quandoque ut fieri assolet, iniustas increpationes audiant, amplius se Christo inspirante humiliant, et minus se audire quam merentur proclamant.

FONS

De Humilitate 5

Basilius: Humilitas est si quando peccaverit in te frater tuus, antequam peniteat indulgeas. Unde humilis non irascitur, nec alios permittit irasci.

FONTES

De Humilitate 6

Gregorius: Vera humilitas est qua quis de se parva extimat, et bona alterius sine invidia et livore commendat.

FONS

De Humilitate 7

Gregorius: Ille vere humilis est et subiectus in bono, qui non est defensor sui in malo.

FONS

De Humilitate 8

Bernardus: Humilis non vult predicari, sed vilis reputari.

FONS

De Humilitate 9

Gregorius: Custos humilitatis est recordatio proprie fragilitatis.

FONS

De Humilitate 10

Gregorius: Totiens in dyabolum iacula mittimus, quotiens humiliter respondemus.

FONS

De Humilitate 11

Gregorius: Si quis tibi intulerit mala, ne irascaris, sed dole potius pro eo, quia deus irascitur illi.

FONTES

De Humilitate 12

Gregorius: Esto parvus in oculis tuis, ut sis magnus in oculis dei. Tanto enim eris in conspectu dei pretiosior, quanto in oculis tuis fueris despectior.

FONS

De Humilitate 13

Cesarius: Numquam vera humilitas et vera obedientia sine castitate fuerunt, aut esse aliquando potuerunt, quia sicut ignis sine calore vel splendore non est, ita castitas sine humilitate et vera obedientia esse non potest. Humilitas autem est custos castitatis.

FONTES

De Humilitate 14

Gregorius: Ubi superbia regnat aut ypocrisis, humilitas non habet locum, sine humilitate vero veniam sperare non licet.

FONS

De Humilitate 15

Augustinus: Hec est nostra perfectio, ut nos reputemus imperfectos.

FONS

De Humilitate 16

Ieronimus: O humilitas stella preradians, noctem illuminans, ad portum dirigens, sicut flamma coruscans, et regem regum demonstrans, qui hac stella caret cecus est.

FONS

De Humilitate 17

Gregorius: Innocens consumitur, quia ex consideratione intime pietatis nichil esse sibi videtur.

FONS

De Humilitate 18

Gregorius: Sancti sicut docere recta ita tollerare perversa parati sunt, nec timent irrideri.

FONS

De Humilitate 19

Iohannes os aureum: Ianua dei humilitas est, multi per contumeliam intraverunt civitatem dei. Timor et humilitas virtutes superant universas.

FONS

De Humilitate 20

Basilius: Pre omnibus stude humilitatem habere, quia iuste constitutiones non nisi per humilitatem implentur.

FONS

De Humilitate 21

Ieronimus: Non queras gloriam, et non dolebis cum fueris inglorius. Qui laudem non appetit, nec contumelias sentit.

FONTES

De Humilitate 22

Gregorius: Humilitas quantum inclinatur ad yma, tantum proficit in excelsum. Et si quelibet adsint opera, nulla sunt, si non condiantur humilitate.

FONTES

De Humilitate 23

Augustinus: Semper conscientia servi dei humilis debet esse et tristis.

FONS

De Humilitate 24

Gregorius: Si volumus dyabolum triumphaliter superare, vitia radicaliter extirpare, operum virtutes et spiritus sancti dona acquirere et conservare, veram humilitatem habeamus, sine qua virtutes cetere haberi non possunt, quoniam qui sine humilitate virtutes congregat, pulverem in ventum portat.

FONS

De Humilitate 25

Gregorius: Quanto se quisque minus videt, tanto sibi minus displicet, et quanto maioris gratie lumen percipit, tanto amplius reprehensibilem se esse cognoscit.

FONS