1.7 De Ebrietate (Tosti ed., pp.270-1)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25
De Ebrietate 1
Ebrietas, secundum quod dicit Augustinus, est vile sepulcrum rationis, et furor mentis.
FONSDe Ebrietate 2
Augustinus: Ebrietas est blandus demon, dulce venenum, suave peccatum.
FONTESDe Ebrietate 3
Augustinus: Ebrietas multos subvertit, sensum minuit, egritudinem ingerit, alienat mentem, inflammat ad libidinem, revelat secreta, impellit ad verbera.
FONSDe Ebrietate 4
Isidorus: Ebrietas autem perturbationem gingnit mentis, furorem cordis flammam libidinis. Ebrietas ita mentem alienat, ut ubi sit nesciat. Vnde nec malum sentitur, quod per ebrietatem conmittitur.
FONSDe Ebrietate 5
Basilius: Ebriosus se putat aliquid optimi facere, cum fuerit in precipitio devolutus.
FONSDe Ebrietate 6
Basilius: Ebriosus cum se putat bibere bibitur. Sicut enim piscis cum avidis faucibus properat, ut glutiat escam et repente hamum intra fauces reperit, ita ebriosus intus se per vinum suscipit inimicum qui intra eum morans impellit ad omne opus nefandum. Et homo rationalis ut irrationale animal fatigatur.
FONSDe Ebrietate 7
Augustinus ad sacras virgines: Ebrietas est flagitiorum omnium mater, culparum materia, radix criminum, origo vitiorum, turbatio capitis, subversio sensus, tempestas lingue, procella corporis, naufragium castitatis, insania voluntatis, ignominiosus langor, turpitudo morum, dedecus vite, honestatis infamia, anime corruptela.
FONSDe Ebrietate 8
Crisostomus: Nichil est ita demoniis amicum sicut ebrietas que omnium malorum radix est.
FONSDe Ebrietate 9
Ieronimus: In vino luxuria est, et ubicumque ebrietas et saturitas, ibi libido dominatur.
FONSDe Ebrietate 10
Hugo de sancto Victore: Ebrietas iudicium rationis obfuscat, contentiones et bella procurat, robur et naturalem virtutem enervat, infirmitatem generat, mortem corporalem adducit, et quod deterius est, divinam maledictionem inducit.
FONSDe Ebrietate 11
Petrus Ravenensis: Ebrietas in omnibus crimen, in sacerdote sacrilegium est. Ubi ebrietas regnat, ibi ratio exulat, intellectus obtunditur, consilia deviant, iudicia subvertuntur.
FONTESDe Ebrietate 12
Ambrosius de penitentia: Ebrius abhominatur a deo, despicitur ab angelis, deridetur ab hominibus, destituitur a virtutibus, confunditur a demonibus.
FONSDe Ebrietate 13
Ambrosius de penitentia: Ebriosus confundit naturam, perdit gratiam, amittit gloriam, incurrit dampnationem eternam.
FONSDe Ebrietate 14
Innocentius de vilitate conditionis humane: Quid turpius ebrioso cui fetor in ore, tremor in corpore; promit stulta, prodit occulta, cui mens alienatur, faties transformatur?
FONSDe Ebrietate 15
Augustinus: Ebrietas aufert memoriam, dissipat sensum, confundit intellectum, concitat libidinem, involvit linguam, corrumpit sanguinem, omnia membra debilitat, vitam diminuit et omnem exterminat salutem.
FONSDe Ebrietate 16
Gregorius: Quanto corpus impletur, tanto anima minoratur.
FONSDe Ebrietate 17
Ecclesiasticus (37:34): Propter crapulam multi perierunt, qui autem ab stinens est addiciet sbi vitam.
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
