De Detractione 1

Detractio est alterius fame decoloratio.

FONS

De Detractione 2

Ambrosius: Tollerabiliores sunt qui bona nostra diripiunt quam qui famam.

FONS

De Detractione 3

Bernardus: Lingua detractoris gladius triceps, qui uno ictu tres animas interficit, primo eum qui detrahit, secundo de quo detrahit, tertio eum qui libenter detractorem audit.

FONS

De Detractione 4

Bernardus: Ubi deest auditor, deest et detractor.

FONS

De Detractione 5

Augustinus: Non accomodes aures tuas ad percipienda verba detrahentis, ne concipias mortem in anima tua. Detrahenti enim et audienti anime utriusque mortis esca est detractio, et ut breviter concludam, detractor et libens auditor diabolum in lingua portant.

FONS

De Detractione 6

Augustinus: Detractor dum libenter auditur, per aurem spiritus diaboli intrans conceptum odii facit in anima, et sicut beata virgo in auditu angeli concepit dei filium, sic e contrario, in auditu detractoris qui est dyaboli filius concipitur fomes odii, cuius pater est Sathanas.

FONS

De Detractione 7

Gregorius: Qui aliene vite detractione pascitur, alienis procul dubio carnibus pascitur et saturatur.

FONS

De Detractione 8

Iohannes Crisostomus: Mucrone quo dominicum pectus confossum est linguam detractoris duriorem esse dicere non verearis.

FONS

De Detractione 9

Bernardus: Calix demoniorum est superbia, detractio et invidia.

FONS

De Detractione 10

Bernardus: Quid aliud detractor intendit, nisi ut ille de quo detrahit, veniat in odium hiis coram quibus detrahitur?

FONS

De Detractione 11

Bernardus: Detrahere, et detrahentem audire, quid horum sit execrabilius, non facile dixerim, vel dampnabilius. Non enim erit detractor, si non auditor.

FONS

De Detractione 12

Hugo de claustro anime et corporis: Detractores spelunca latronum sunt, quia invidendo fratri suo ut detrahant insidiantur, et virtutis spolient indumentis. Tales enim non sunt domus dei sed domus diaboli.

FONS