4.13 De Compunctione (Tosti ed., pp.291)
De Compunctione 1
Compunctio bona, ut dicit Augustinus, est thesaurus mirabilis, inenarrabile gaudium, et beatus namque qui habet compunctionem secundum deum.
FONSDe Compunctione 2
Augustinus: Compunctio est sanitas anime, compunctio est illuminatio anime, remissio peccatorum, compunctio Spiritum Sanctum ad se adducit, compunctio Christum dei unigenitum facit habitare in se.
FONTESDe Compunctione 3
Gregorius super Ezechielem: Interdum in compunctionis ardore, tante sublimitatis est vis amoris, ut hanc vero ipse animus non possit habere, qui illuminatus meruit habere.
FONSDe Compunctione 4
Ieronimus: Quanta precessit in opere delectatio, tanta debet esse in satisfactione, mentis amaritudo.
FONSDe Compunctione 5
Bernardus: Multos video lugentes et fientes, sed si ille lacrime ex corde procederent, non tam cito solverentur in risum.
FONSDe Compunctione 6
Bernardus: O felices lacrime, quas pia manus conditoris abstergit!
FONSDe Compunctione 7
Bernardus: O humilis lacrima, tuum est regnum dei, tua omnipotentia, ante conspectum iudicis introire non vereris, inimicis te accusantibus silentium imponis, et quandoque de ore iudicis sententiam rapis, quid plura vincis invicibilem et ligas omnipotentem.
FONSDe Compunctione 8
Ambrosius: Lacrime penitentium potus angelorum, odor vite, sapor gratie, indulgentie gentrix, reconciliationis iocunditas, conscientieque est suavitas.
FONSDe Compunctione 9
Ambrosius: Lavant enim lacrime delictum, quod voce pudor est confiteri. Lacrime ergo verecundie pariter consulunt et saluti, non erubescunt in petendo et impetrant in rogando.
FONTESDe Compunctione 10
Augustinus: Totiens dominum osculamur, quotiens in eius amore conpungimur.
FONSDe Compunctione 11
Ieronimus: Lacrime apud deum fiduciam dant semper. Ubi lacrime habundant, ibi cogitationes sordide non appropinquant.
FONTESDe Compunctione 12
Ambrosius: Lacrime sunt vinum angelorum, que inebriant ipsum deum et peccatorum maculas lavant.
FONTESDe Compunctione 13
Gregorius: Quos omnipotens per compunctionis gratiam visitat, illos pastoris sententia absolvat. Illos nos debemus per pastoralem auctoritatem solvere, quos ab auctore nostro cognoscimus per suscitantem gratiam vivificare.
FONSDe Compunctione 14
Ieronimus: Longo tempore crimina perpetrata in ictu oculorum pereunt si fuerit contrito perfecta.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
