3.3 De Caritate (Tosti ed., pp.281)
De Caritate 1
Caritas autem dirigit in summum bonum desiderando et diligendo, qua mediante anima perficitur.
FONSDe Caritate 2
Augustinus: Caritas est motus animi ad fruendum deo propter seipsum et proximo propter deum.
FONSDe Caritate 3
Augustinus: Caritas est amor dei et proximi.
FONSDe Caritate 4
Bernardus: Caritas libertatem donat, timorem repellit, laborem non sentit, meritum non intuetur, premia non requirit, et tamen plus omnibus urget. Nullus terror sic sollicitat, nulla premia sic invitant, nulla iustitia sic exigit.
FONSDe Caritate 5
Bernardus: Vere dulcis et suavis cibus est caritas, que fessos allevat, debiles roborat, mestos letificat, esurientes reficit, iocundat reficientes, iugum denique veritatis facit suave et leve eius honus.
FONTESDe Caritate 6
Ieronimus: In hoc cognovimus caritatem dei, quia ipse pro nobis animam suam posuit, et nos debemus pro fratribus animas nostras ponere.
FONSDe Caritate 7
Bernardus: O bona mater caritas, que sive foveat infirmos, sive exerceat provectos, sive arguat inquietos, diversis diversa adhibens et exhibens sicut filios diligit universos! Cum te arguit, mitis est, cum blanditur, simplex est. Pie solet sevire, sine dolo mulcere, patienter novit irasci, humiliter indignari, lesa non provocatur, ipsa est que hominum mater est et angelorum, non solum que in terris, sed et que in celis sunt pacificat. Ipsa est que deum homini placans, hominem deo reconciliavit.
FONSDe Caritate 8
Bernardus: Porro in deo amare, caritatem habere est, studere vero propter deum amari, caritati servire est.
FONSDe Caritate 9
Augustinus: Tanta est caritas que si desit, frustra habentur cetera, si vero adsit recte cetera habentur.
FONSDe Caritate 10
Augustinus: Ubi est caritas, quid est quod possit deesse? Ubi autem non est, quid est quod possit prodesse?
FONSDe Caritate 11
Bernardus: Periclitatur castitas in deliciis, pietas in negotiis, humilitas in divitiis, virtus in multiloquio, caritas in seculo nequam.
FONSDe Caritate 12
Ieronimus: Sicut nullus sine via pervenit quo tendere cupit, ita sine caritate, homines nequeunt pervenire ad regnum dei. Nam sine caritate, nec lacrime, nec vigilie, nec aliqua virtus potest salvare hominem.
FONSDe Caritate 13
Gregorius: Una quippe et summa est probatio caritatis, si et ipse diligitur qui adversatur, sicut ille qui bonum impendit.
FONSDe Caritate 14
Gregorius: A discensionis malo continere linguam suam opportet, qui novit vinculum caritatis.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
