1.5 De Avaritia (Tosti ed., pp.268-9)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17
De Avaritia 1
Avaritia appetit que non sunt appetenda et ita multa nascuntur ex ea simonia, usura, latrocinia, perditio, fraus, fallacia, periuria, inquietudo, violentie, et contra misericordiam obdurationes cordis oriuntur. Supra quam sedet invidia exterminans omnem dilectionis caritatem.
FONTESDe Avaritia 2
Unde sic diffinitur a Tulio: Avaritia est immoderatus amor habendi pecuniam, vel iniuriosa appetitio alienorum.
FONTESDe Avaritia 3
Tullius: Avaritia est glorie seu quarumlibet rerum insatiabilis et inhonesta cupido.
FONSDe Avaritia 4
Iohannes Crisostomus: Tu, avare, quicumque es. Si diligis aurum aut seculi divitias, da pauperibus cito ne perdas, et post hanc vitam invenies eas, ubi latrones effodere et furari non possunt eas, quia satis honorat Deum qui miseretur pauperi.
FONSDe Avaritia 5
Bernardus: Inexplebilis avaritia divitum semper cupit, et nunquam satiatur, nec Deum timet, nec hominem reveretur. Non est ista, rogo, insania amittere vitam, acquirere mortem, perdere celum? Tribue pauperi si non vis flammis exuri. Da in terra Christo quia ipse reddet in celo.
FONSDe Avaritia 6
Anselmus: Avaritie morbus nunquam melius conpescitur, quam cum dies mortis meditatur.
FONSDe Avaritia 7
Bernardus: Homo, si permansurus es que tua sunt, hic repone. Si hinc iturus es que tua sunt, cur hic relinquis? Qui relinquenda servat, alienorum custos est non suorum.
FONSDe Avaritia 8
Augustinus: Qui bona mundi diligit, velit, nolit timori, et dolori succumbit.
FONSDe Avaritia 9
Bernardus: Divitie mundane mendacia sunt. Dominum enim promittunt et servum faciunt, securitatem spondent et pariunt timorem, saturitatem spondent et famem incutiunt.
FONSDe Avaritia 10
Bernardus: Non est Christiane religionis in temporalibus exaltari, sed magis deprimi.
FONSDe Avaritia 11
Augustinus: Amittis pecuniam et doles amittis vilia et fles, amittis conscientiam et non doles nec fles. Civis es Babylonis et non Ierusalem.
FONSDe Avaritia 12
Seneca: Avaro quid male optes nisi ut vivat diu? Semper avarus insidiatores metuit; videt potentiorem se et credit raptorem, videt pauperem et credit furem.
FONTESDe Avaritia 13
Eusebius: Cupiditas habendi ita excecat oculos, cor et conscientiam hominum quod dilectionem quam homines deberent, habere inter se corrumpit.
FONSDe Avaritia 14
Bernardus: Cum omnia vitia senescente homine senescant, sola avaritia iuvenescit.
FONSDe Avaritia 15
Isidorus: Cupiditas omnium criminum mater est, quoniam apostolus ait: Radix omnium malorum est cupiditas, quam quidam appetentes erraverunt a fide. Si ergo succiditur radix criminum, non pollulant ceterorum soboles peccatorum. Multi cupiditatis causa etiam ipsam fidem renunctiaverunt. Cupiditas enim Christum vendidit. Nam et plerisque tantum in alienis rebus est desiderium, ut etiam homicidium perpetrare non vereantur, sicut Iudas appetitu cupiditatis rei aliene sanguinis explevit effusionem.
FONSDe Avaritia 16
Augustinus: Quid prodest latronibus, si per virida prata ducantur ad suspendium, et quid prodest diviti, si propter temporalia etiam per temporalia ducatur ad gehenne supplicium?
FONSDe Avaritia 17
Augustinus: Cum pecunie incremento rabies cupiditatis augetur. Nam omnes avari et cupidi velut idropisis morbo egrotare videntur. Quomodo enim ydropicus quanto plus bibit, tanto amplius sitit, ita avarus et cupidus acquirendo periclitantur.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
