5.4 De Amicitia (Tosti ed., pp.303-4)
______________________________
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17
De Amicitia 1
Amicitia, secundum Aristotilem in libro de regimine dominorum, generat consilium et adiuvamen.
FONSDe Amicitia 2
Unde Aristotiles ait in VIII ethicorum C.I: Est virtus quedam cum virtute maxime necessaria ad vitam. Sine amicis enim nullus utique eligeret vivere, habens reliqua omnia bona.
FONSDe Amicitia 3
Tulius de vera amicitia ait: Est enim vera amicitia nil aliud nisi omnium divinarum rerum cum benivolentia et caritate consensio, nec sine virtute amicitia ullo pacto esse potest. Amicitia res plurimas contingit, quocumque te verteris presto est, nullo loco excluditur, nuncquam intempestiva, nuncquam molesta est.
FONSDe Amicitia 4
Quidam philosophus Secundus nomine, interrogatus quid esset amicus, ait: Amicus est considerabile nomen, homo vix aparens, non invenienda possessio, refugium felicitatis, miserie reparator, indeficiens quies, indesinens felicitas.
FONSDe Amicitia 5
Philosophus in ethicorum: Propter delectabile, quod et propter utile pravos contingit amicos ad invicem esse.
FONSDe Amicitia 6
Tulius de vera amicitia: Hec igitur in amicitia lex santiatur, ut neque rogemus res turpes, nec faciamus rogari. Nulla est enim excusatio si amici causa peccaveris.
FONSDe Amicitia 7
Tulius: Talem diligentiam in amicis exhibe comparandis, ne incipias amare quem deinceps possis odisse. Tu primum exibe te bonum, et sic queras alterum similem tui.
FONSDe Amicitia 8
Philosophus: Non confestim dissolvenda est amicitia eius qui ex bono factus est malus, sed magis adiuvandus ad recuperandum virtutem, quam adiuvari ad recuperandum possessionem.
FONTESDe Amicitia 9
Ambrosius: Nichil occultat amicus si verus est, sed effudit animum in amicum suum.
FONSDe Amicitia 10
Augustinus: Illud est signum secure amicitie, cum homo committit aliis secreta sua.
FONSDe Amicitia 11
Ieronimus: Amicitia, que desinere potest, nunquam vera fuit.
FONSDe Amicitia 12
Ambrosius super Cantica: Veritas amoris ex sua perpetuitate probatur.
FONSDe Amicitia 13
Seneca: Servandus est omni diligentia raro inventus amicus, est enim alter ego, et cetera require supra.
FONSDe Amicitia 14
Philosophus in VI ethicorum: Multos esse secundum perfectam amicitiam non contingit.
FONSDe Amicitia 15
Philosophus capitulo V: Loca enim non dissolvunt amicitiam, sed operationes. Si diuturna absentia fiat, amicitie videtur oblivionem facere.
FONSDe Amicitia 16
Tulius de vera amicitia: Ego vos hortari tantum possum ut amicitiam omnibus rebus anteponatis humanis. Nichil est enim tam vere aptum, tam conveniens ad res vel adversas vel prosperas, sed primum sentio nisi in bonis amicitiam esse non posse.
FONSDe Amicitia 17
Philosophus ethicorum VIII: Multi autem videntur propter amorem honoris velle amari magis quam amare, propter quod amatores sunt adulationis.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
