1.4 De Accidia (Tosti ed., pp.268)
De Accidia 1
Accidia sine labore vult omnia habere infatigabiliter. Ex ea enim multa mala nascuntur, scilicet malitia, rancor, pusillanimitas, desperatio, torpor circa precepta Dei, vagatio mentis erga illicita.
FONSDe Accidia 2
Unde sic diffinitur ab Hugone: Accidia est mentis confusio sive intensa tristitia, sive desidiosus animi torpor, a bono incepto faciens resilire.
FONTESDe Accidia 3
Hugo: Accidia est ex confusione mentis nata tristitia, sive tedium et amaritudo animi immoderata, qua spiritualis iocunditas extinguitur, et quodam desperationis precipitio mens in semetipsa subvertitur.
FONSDe Accidia 4
Augustinus: Accidia est fastidium boni a Deo collati.
FONSDe Accidia 5
Bernardus: Ociositas mater est vitiorum, noverca virtutum.
FONSDe Accidia 6
Bernardus: Otiositas est mater nugarum; inter seculares verba otiosa nuge sunt, in ore sacerdotis blasphemie.
FONSDe Accidia 7
Bernardus: Otium est sentina omnium vitiorum malarum cogitationum, locutionum et operationum.
FONSDe Accidia 8
Bernardus: Otium est monstruosa res gradus summus et animus infimus, sedes prima et vita yma, lingua maliloqua et manus otiosa, sermo muItus et fructus nullus, vultus gravis et actus exiguus.
FONSDe Accidia 9
Hugo de claustro anime et corporis super illo verbo labores manuum tuarum quia manducabis et cetera, ait: Quid enim erit in illis qui in labore hominum non sunt? Ipsi cum ipsis non flagellabuntur levibus penis, sed cruciabuntur gravioribus tormentis.
FONSDe Accidia 10
Hugo: Sunt autem aliqui qui corpore fortes, debiles autem animo, parcunt sibi, seipsos amantes, sectantur otium, vacant fabulis. Tales accusantur de furto et de rapina et de mendatio. Fures sunt quia communi necessitati subtrahunt quod sibi impendunt, et commune fatentur cum renuntiaverunt mundo, seipsos abnegantes facti. Raptores apud Deum quia eo vidente qui novit oculta cordium, communi vite quod sciunt, et possunt et iubentur reddere violenter auferunt. Mentiuntur autem coram Deo et hominibus mendaces sunt.
FONSDe Accidia 11
Hugo: Quid autem erit illis, qui in labore hominum non sunt? Ipsi non flagellabuntur levibus penis, sed tormentis gravioribus cruciabuntur.
FONSDe Accidia 12
Iohannes Crisostomus: Si mercenarius eo die quo opus non fecerit, erubescit intrare domum et panem petere, quomodo tu non confunderis intrare ecclesiam et stare in conspectu domini quoniam nichil boni fecisti?
FONSDe Accidia 13
Ieronimus: Semper aliquid boni operis facito, ut dyabolus veniens te inveniat occupatum. Non enim facile capitur a temptatore qui bono vacat exercitio.
FONTESDe Accidia 14
Bernardus: Tolle otium exercitare in aliquo, et statim senties te sola appetere que famem satiant, non fauces demulceant. Reddet quippe sapores rebus exercitium que tulit inertia tua, que respuis otiosus post laborem sumes cum desiderio. Siquidem otium parit fastidium, exercitium famem; fames autem miro modo dulcia reddit, que fastidium fecit insipida, olus, faba, pultes.
FONS
This work is licensed under a Creative Commons
Attribution-NonCommercial-NoDerivatives 4.0 International License.
The editor gratefully acknowledges the financial support for this project and related research that has been generously provided by SSHRC through a Standard Research Grant (2005-8), a Connection Grant (2014), and a portion of the Insight Grant for the Digital Auctores Project (2021-26), as well as a number of internal grants (2000-2013) partly funded by WLU operating funds and partly by SSHRC General Research Grants awarded to WLU.
